6 މޭއި 2024 ގައި 'ދިޔަވަރު' ވެބްސައިޓްއިން އެ ކުންފުނީގެ މެނޭޖިންގް ޑައިރެކްޓަރާއި، ކުންފުނީގެ މާލި ނަޒާހަތްތެރިކަމާއި ގުޅޭގޮތުން ޝާއިޢު ކޮށްފައިވާ އަރޓިކަލް އެކުންފުނީގެ ފަރާތުން ދޮގުކޮށްފިއެވެ.
އެ ކުންފުނިން ނެރުނު ބަޔާނެއްގައި ބުނެފައިވަނީ، އެ އާޓިކަލްއަކީ އެއްވެސް ހަޤީޤަތެއް ނުވަތަ ހެއްކެއް ނެތި ޝާއިޢު ކޮއްފައިވާ ދޮގު ލިޔުމެއްކަމަށެވެ. އަދި އެކަން އެ ކުންފުނީގެ ފަރާތުން ހަރުކަށި އިބާރާތުން ކުއްވެރިކުރާކަމަށެވެ. އަދި، ހަޤީޤަތެއް ނެތް އާޓިކަލް ލިޔުނު 'ދިޔަވަރު' އިން އެކަމާއި ގުޅޭގޮތުން އެއްވެސް މައުލޫމާތެއް ހޯދުމަށް އެ ކޯޕަރޭޝަނާއި މުޢާމަލާތެއް ކޮއްފައި ނުވާކަމަށްވެސް އެކުންފުނިން ބުނެފައިވެއެވެ. އަދި އެ އާޓިކަލްގައި ވާ ކަންކަމަކީ މިހާތަނަށް އެކަމާއި ގުޅިގެން އެއްވެސް މަޝްވަރާއެއް ކުރެވިފައިވާ ނުވާކަމެއްކަމުގައިވެސް އެކުންފުނިން ބުނެއެވެ.
މީގެ އިތުރަށް އެ ކުންފުނިން ކުރާ އެންމެހާ މާލީ ނިންމެވުންތަކަކީ، އެކަމަށް ޙާއްސަ ފަރާތްތަކެއްގެ ބައިވެރިވުން ހިމެނޭ، ފުރިހަމަ ނިޒާމެއްގެ ތެރެއިން ދެފުށް ފެންނަ ގޮތަށް ނިންމަމުންދާ ކަންތައްތަކެއްކަަށާއި އަދި އެ ކުންފުނީގެ މާލީ ކަންކަން ނިންމަވާނީ ކުންފުނީގެ ބޯޑާއި، ބިޑް ކޮމެޓީގެ ނިންމެވުމުންތަކަށް ބިނާކޮށް އެފަރާތުން ކަމުގައިވެސް އެކުންފުނިން ވަނީ ބުނެފައެވެ.
އަދި މި ފަދަ ޚަބަރުތަކަކީ މި ކުންފުނީގޭ މެނޭޖްމެންޓްގެ ބޭފުޅުންގެ އަބުރާއި އިއްޒަތް ނަގާލުމަށާއި ކުންފުނީގެ މާލީ އަމާނާތްތެރިކަމާ، ނަޒާހަތްތެރިކަމާއި ބެހޭގޮތުން އާންމުންގެ ހިތްތަކުގައި ސުވާލު އުފައްދާ، ނުރަނގަޅު ތަސައްވަރެއް އުފެއްދުމުގެ ބޭނުމުގައި ލިޔެފައިވާ ލިޔުންތަކެއްކަމަށް ވެސް އެފަރާތުން ބުނެއެވެ.
ވެމްކޯ އަންނަނީ ރާއްޖޭގެ އެކި ހިސާބުތަކަށް ވެމްކޯގެ ޙިދުމަތް ފުޅާކުރަމުންނެވެ، ޑރ މުއިޒް ސަރުކާރާއި ހަވާލުވުމަށް ފަހު އަލަށް ވެމްކޯއަށް އައްޔަން ކުރެވުނު މެނޭޖިންގް ޑައިރެއްކްޓަރގެ އިރުޝާދުގެ ދަށުން ވެމްކޯ އަންނަނީ ކާމިޔާބު މަސައްކަތްތަކެއް ކުރަމުންނެވެ.
