ފުރަމާލެ ސަރަޙައްދުގައި ވެމްކޯގެ ޙިދުމަތްތަކުން ނަގަމުން އަންނަ ފީ އަނެއްކާވެސް ކުޑަކޮށްފައިވާކަން އެކުންފުނިން ހާމަކޮއްފިއެވެ.

އެކުންފުނިން މައުލޫމާތުދޭ ގޮތުގައި މާދަމައިން ފެށިގެން ރައީސުލް ޖުމްޙޫރިއްޔާ ޑރ. މުޙައްމަދު މުއިއްޒް ގެ ވައުދާ އެއްގޮތައް ފުރަމާލެ ސަރަޙައްދުގައި ހިމެނޭ މާލެ، ހުޅުމާލެ އަދި ވިލިމާލޭގެ ކުނި އުކާލަން އަންނަ އާއްމު ފަރާތްތަކުގެ އުޅަނދުތަކުން ނަގާ ފީ ކުޑަކުރުމަށް މާދަމައިން ފަށާއިގެން ނިންމާފައިވާ ކަމަށެވެ.

މި ބަދަލާއި އެކު 7 އޭޕްރިލް ގެ 2024 ގެ ހެނދުނު 0900 ން އިން ފެށިގެން ވޭސްޓް މެނޖްމަންޓް ކޯޕަރޭޝަންގެ ފުރަމާލެ ސަރަހައްދުގެ ޓްރާންފަރ ސްޓޭޝަންތަކުން ޗާރޖް ކުރަމުން ދާނީ ކިލޯއަކަށް 50 ލާރީގެ މަގުންނެވ.ެ މީގެ އިތުރުނ،ް ފުރަމާލެ ސަރަހައްދުގައި ކުނިއުކާލުމުގެ ޙިދުމަތް ފޯރުކޮށްދޭ ޓްރާންސްފަރ ސްޓޭޝަންތަކަށް އަންނަ އާއްމުންނާއި ސަރުކާރު އަދި ސަރުކާރު ހިއްސާވާ ކުންފުނި ތަކުގެ ކޮންމެ އުޅަނދަކަށް ހިދުމަތުގެ އަގެއްގެ ގޮތުގައި ވަންނަ ކޮންމެ ފަހަރަކު 150.00 ރުފިޔާގެ ޗާރޖެއް ނެގެމުންދާނެ ކަމަށް އެކުންފުނިން މައުލޫމާތު ދެއެވެ.

މިދިޔަ ހަފްތާގައި ރައީސް ވަނީ ވެމްކޯއިން ނަގަމުން އަންނަ އަގުތައް ކުޑަކުރުމަށް ވެމްކޯގެ އެމްޑީ މުޖްތަބާ ޖަލީލްއާ މަޝްވަރާކުރަމުން އަންނަކަން ހާމަކޮއްފައެވެ.

ރައްޔިތުންނަށް ލުއިފަސޭހަ ކުރުމުގެ ގޮތުން ކުނި އުކާލުމުގެ އަގަށް ބަދަލު ގެނައި މީ 3 ވަނަ ފަހަރެވެ.